यमल र बार्सिलोनाबीचको सम्झौता नवीकरण

खेल

यमल र बार्सिलोनाबीचको सम्झौता नवीकरण

बुधबार, जेठ १४, २०८२

काठमाडौं । स्पेनिस क्लब बार्सिलोनाले युवा फरवार्ड लामिन यमलसँगको सम्झौता नवीकरण गरेको छ । बार्सिलोनाले १७ वर्षीय फरवार्डसँगको सम्झौता ६ वर्ष थप्ने निर्णय गरेको हो । नयाँ सम्झौतानुसार, यमल सन् २०३१ सम्म स्पेनिस क्लबमा रहनेछन् ।

यमलले सन् २०२३ मा १५ वर्षको उमेरमा बार्सिलोनाबाट डेब्यू गरेका थिए । उनले यो सिजन हेन्सी फ्लिकको प्रशिक्षणमा ला लिगा, स्पेनिस सुपर कप र कोपा डेल रेको उपाधि जित्दा ५५ खेलमा १८ गोल र २५ असिस्ट गरेका छन् ।