नागढुंगा–नौबिसे सडक आजदेखि दैनिक साढे चार घण्टा बन्द

देश

शनिबार, जेठ १०, २०८२

काठमाडौं । काठमाडौं प्रवेशको मुख्य नाका नागढुंगा–नौबिसे सडक आजदेखि हरेक दिन दिउँसो साढे ४ घण्टा बन्द हुने भएको छ ।

नारायणगढ–मुग्लिन सडक योजना (पूर्वी खण्ड)ले आजदेखि यही जेठ २५ गतेसम्म बिहान १०ः३० बजेदेखि अपाह्न ३ बजेसम्म उक्त सडक बन्द गरेर काम थालेको जनाएको छ ।

काठमाडौंका प्रमुख जिल्ला अधिकारी ऋषिराम तिवारीले काठमाडौं र धादिङ जिल्ला प्रशासनसँगको समन्वयमा उक्त निर्णय भएको जानकारी दिए ।

आयोजनाले नागढुंगा–पिपलामोड खण्ड निर्माणका लागि सडक बन्द गर्नुपरेको बताएको छ ।

नारायणगढ मुग्लिन सडक योजना (पूर्वी खण्ड)ले काठमाडौंबाट जाने सवारीसाधन नागढुंगामा र नौबिसेतर्फबाट काठमाडौं आउने सवारीसाधन खानीखोलामा रोकिने जनाएको छ ।

प्रहरीले विकल्पमा धार्के–सीतापाइला तथा टोखा–छहरे त्रिशूली गल्छी सडक प्रयोग गर्न अनुरोध गरेको छ । रासस

प्रकाशित मिति: शनिबार, जेठ १०, २०८२ १२:२३

प्रतिक्रिया दिनुहोस्

सम्बन्धित समाचार

सिफारिस

प्रवास

सम्पादकीय

कार्टुन

भिडियो

विचार

अन्तर्वार्ता

ब्लग

लोकप्रिय