गणपूरक संख्या नपुगेपछि प्रतिनिधिसभा बैठक १५ मिनेटका लागि स्थगित

राजनीति

गणपूरक संख्या नपुगेपछि प्रतिनिधिसभा बैठक १५ मिनेटका लागि स्थगित

मंगलबार, जेठ ६, २०८२

गणपूरक संख्या नपुगेपछि प्रतिनिधिसभा बैठक १५ मिनेटका लागि स्थगित

काठमाडौं । गणपूरक संख्या नपुगेपछि मंगलबारको प्रतिनिधिसभा बैठक १५ मिनेटका लागि स्थगित भएको छ । भूमिसम्बन्धी केही नेपाल ऐनलाई संशोधन गर्न बनेको विधेयकमाथि विचार गरियोस् भन्ने प्रस्तावलाई निर्णयार्थ प्रस्तुत गर्न गणपूरक संख्या अपुग भएको हो ।

सभामुख देवराज घिमिरेले प्रस्ताव निर्णयार्थ पेस गर्दा नेकपा (माओवादी केन्द्र)का प्रमुख सचेतक हितराज पाण्डेले गणपूरक संख्या एकीन गर्न माग गरे । संविधानको धारा ९४ अनुसार, कुनै पनि प्रश्न वा प्रस्ताव पेस गर्न एकचौथाइ उपस्थित हुनुपर्ने व्यवस्था छ ।

सोहीअनुसार ३ मिनेट घण्टी बजाएर गणपूरक संख्या एकीन भएको हो । प्रस्ताव पेस गर्दा गणपूरक संख्या ६९ हुनुपर्नेमा ६५ रहेकाले सभामुखले बैठक १५ मिनेटका लागि स्थगित गरेका हुन् ।