काठमाडौं । भारतीय सेनाले मंगलबार रातिदेखि पाकिस्तानले गरेको गोलाबारीबाट १५ जना भारतीय सर्वसाधारणको मृत्यु भएको जनाएको छ ।

त्यस्तै, पाकिस्तानले गरेको गोलाबारीमा परी ४३ जना भारतीय घाइते भएको भारतीय सेनाले जनाएको छ ।
 
जम्मू कश्मीरको पुंछ र तंगधार क्षेत्रका नागरिक गोलाबारीबाट प्रभावित भएको बताइएको छ ।

मंगलबार राति भारतले पाकिस्तान र पाकिस्तान प्रशासित कश्मीरका धेरै स्थानमा हवाई आक्रमण गरेको थियो ।

उक्त आक्रमणमा २६ जना पाकिस्तानी सर्वसाधारणको मृत्यु भएको थियो भने ४६ जना घाइते भएको पाकिस्तानी सैन्य प्रवक्ताले बताएका छन् ।