काठमाडौं । नेकपा (माओवादी केन्द्र)का अध्यक्ष पुष्पकमल दाहाल 'प्रचण्ड'ले छोरीहरूको शिक्षा कार्यक्रम हटाएर कस्तो समानता खोजिएको भन्दै प्रश्न गरेका छन् ।

आज प्रतिनिधिसभा बैठकमा उनले नीति तथा कार्यक्रममाथि बोल्दै भने, “छोरीहरूको शिक्षाका कार्यक्रम हटाएर कस्तो समानता खोजिएको हो ? दलितलाई नीति तथा कार्यक्रमबाटै बहिष्कार गरेर कुन नेपालीलाई खुसी बनाउने योजना हो ?” 

उनले आफ्ना पालमा ल्याइएका कार्यक्रममा कैँची चलाइएको भन्दै आपत्ति जनाए ।

“संसद्‌मा मैले आग्रह गरेको थिएँ, मेरो नेतृत्वको सरकारबाट ल्याइएका दलित, महिला, घाइते, अपांग तथा श्रमिक समुदायसम्बन्धी कार्यक्रमहरू बदलास्वरूप च्यात्न नपरोस् । तर, अहिले त तिनको शीर्षकसमेत डिलिट गरिएको छ,” उनले भने ।