काठमाडौं । राष्ट्रिय स्वतन्त्र पार्टीका उपसभापति एवं सांसद डा. स्वर्णिम वाग्लेले सरकारको नीति तथा कार्यक्रमलाई ‘अल्छी सरकारले ल्याएको कार्यक्रम’का रूपमा टिप्पणी गरेका छन् । 

शुक्रबार संसद् भवनपरिसरमा पत्रकारसँग कुरा गर्दै वाग्लेले यसअघि असफल भइसकेका कार्यक्रमलाई सरकारले दोहोर्‍याएको बताए । 

देशमा उथलपुथल भइरहेको अवस्थामा त्यसमा निरपेक्ष भएर सरकारको कार्यक्रम आएको उनले टिप्पणी गरे । 

नीति तथा कार्यक्रमलाई बजेटबाट विश्वसनीय बनाउन पनि उनले सरकारलाई सुझाव दिएका छन् ।