काठमाडौं । प्रधानमन्त्री केपी शर्मा ओलीले बाह्रखरी मिडियाले वार्षिक रूपमा आयोजना गर्ने गल्फ प्रतियोगिता खेलसँग मात्रै नभई हरेक क्षेत्रसँग सम्बन्धित रहेको बताएका छन् ।

बाह्रखरी मिडियाले शनिबार काठमाडौंमा आयोजना गरेको ‘एनसेल बाह्रखरी गल्फ तथा आर्थिक परिसंवाद’ कार्यक्रममा प्रधानमन्त्री ओलीले गल्फको अर्थतन्त्रका स–साना गतिविधिसँग पनि सम्बन्धित रहने बताएका हुन् ।

“आज भएको यो प्रतियोगिताको सम्बन्ध गल्फसँग मात्रै छैन । यहाँका हरेक आर्थिक गतिविधिहरूसँग सम्बन्धित छ । पयर्टनसँग सम्बन्धित छ । त्यसैकारण अर्को वर्ष एक दिन विचार गोष्ठीको आयोजना गर्नुहोस् । अर्को दिन दिनभर गल्फ खेलाउनुस् । आज भएको गल्फमा यही पनि धेरै आर्थिक गतिविधिहरू भए होलान्,” उनले भने ।

बाह्रखरी मिडियाले वार्षिक रूपमा आयोजना गर्ने प्रतियोगिताको आठौँ संस्करणको उपाधि शनिबार दोर्जे होजाङस्टाङले जितेका थिए ।

• एनसेल बाह्रखरी गल्फको आठौँ संस्करणको उपाधि दोर्जेलाई, जिते सुनको बल