काठमाडौं । नेपाली कांग्रेसका सांसद गगन थापाले नेपालमा आईटीको पढाइ भए पनि यसको ‘प्राक्टिकल’ नभएको बताएका छन् । शनिबार (चैत २३) काठमाडौंमा ‘एनसेल बाह्रखरी गल्फ तथा आर्थिक परिसंवाद’ कार्यक्रममा आफ्नो कार्यपत्र प्रस्तुत गर्दै उनले आईटी क्षेत्रमा नेपालका निम्ति ठूलो अवसर भएको बताए । यहाँ यसको पढाइ भए पनि सिकाइमा समस्या रहेको उनले उल्लेख गरे ।

आईटीको कोर्स परिमार्जन गर्नुपर्ने आवश्यकता रहेको थापाले बताए । “नेपालको आईटीमा ५० प्रतिशतले आफूले पढेको कोर्सको काम लाग्ने बताएका थिए,” उनले भने, “२०३० सम्म मान्छेले गर्नुपर्ने काम मेसिनले गर्ने अवस्था रहेको छ ।”

उनले सर्भिस र म्यानिफ्याक्चरिङ सँगसँगै लिएर जानुपर्ने अवस्था रहेको बताए ।