काठमाडौं । बाह्रखरी मिडियाका प्रधानसम्पादक प्रतीक प्रधानले नेपालको आर्थिक क्षेत्रमा समस्या परिरहेका बेला केही पक्षले अधिनायक व्यवस्था ल्याउन खोजेको बताएका छन् । शनिबार (चैत २३) काठमाडौंमा आयोजित ‘एनसेल बाह्रखरी गल्फ तथा आर्थिक परिसंवाद’ कार्यक्रममा उनले अर्थतन्त्रमा समस्या हुँदै गर्दा केही पक्ष व्यवस्था नै परिवर्तनमा लागेको बताए ।

“अर्थतन्त्रमा कन्जुमार कन्फिडेन्स कमजोर भएको बेला अधिनायकबाट लडेर ल्याएको व्यवस्था पुनर्स्थापनको लागि लागिपरेको छ । स्टन्टबाजी चलेर ठूला र मेनस्ट्रिम मिडिया संकटमा छ । सरकार साँच्चै निजी क्षेत्रप्रति उदार देखिएको कारण धन्यवाद,” उनले भने ।

आईटी सेक्टरलाई विशेष बनाउन र नेपाललाई आईटी सेक्टरमा कसरी राख्न सकिन्छ भन्ने विषयमा आर्थिक परिसंवादमा कार्यपत्र प्रस्तुत गरिने  उनले जानकारी दिए ।