काठमाडौं । क्यानाडाका प्रधानमन्त्री मार्क कार्नीले अमेरिकामा निर्मित कार र ट्रकमा २५ प्रतिशत कर लगाएको घोषणा गरेका छन् ।
 
क्यानाडाको यो घोषणा अमेरिकाले बिहीबार बिहान लागु हुनेगरी क्यानाडालगायत विदेशबाट आयात गरिने कार तथा एसका पार्टसमा २५ प्रतिशत आयात कर लगाउने निर्णयको जवाफी कदमको रूपमा आएको द न्यूयोर्क टाइम्सले जनाएको छ ।

प्रधानमन्त्री कार्नीका अनुसार क्यानाडाले प्रतिशोधात्मक आयात करबाट लगभग ५.७ अर्ब डलर उठाउने अनुमान गरेको बताएका छन् । जुन मार्च ४ मा लगाएको करबाट उठाइएको लगभग ४२ अर्ब डलर बाहेकको कर हो । प्रधानमन्त्री कार्नीका अनुसार यो रकम अमेरिकी करले प्रभावित कर्मचारी र व्यवसायहरूलाई सहयोग गर्न प्रयोग गरिनेछ ।

अमेरिकी राष्ट्रपति डोनाल्ड ट्रम्पद्वारा लगाइएको कर कार्यान्वयनमा आउनुभन्दा पाँच घण्टाअगाडि क्यानाडको ओटोमेकर कम्पनी स्टेलान्टिसले ओन्टारियोको विन्डसरस्थित आफ्नो मिनिभ्यान र मसल कार कारखानाका कर्मचारीहरूलाई प्रतिनिधित्व गर्ने युनियनलाई अमेरिकी करको प्रभाव आंकलन गर्न कारखाना सोमबारदेखि दुई हप्ताका लागि बन्द हुने बताएको थियो । 

यसबाट लगभग तीन हजार ६०० कर्मचारी बेरोजगार हुने बताइएको छ ।