काठमाडौं । अमेरिकी राष्ट्रपति डोनाल्ड ट्रम्पले विदेशबाट आयात हुने कार तथा यसका पार्ट्समा लाग्ने करको दर थप २५ प्रतिशत बढाउने घोषणा गरेका छन् । 

द न्यूयोर्क टाइम्सका अनुसार, ट्रम्पको यो निर्णयको उद्देश्य अमेरिकाभन्दा बाहिर रहेका अमेरिकी कार कम्पनीहरूको उत्पादन प्लान्टहरूलाई देशभित्र फिर्ता ल्याउनु हो । 

अप्रिल ३ बाट यो घोषणा कार्यान्वयनमा आउनेछ । यो निर्णयपछि अमेरिकामा विदेशी कारहरू महँगा हुनेछन् । 

यसले फोर्ड मोटर्स, जनरल मोटर्सजस्ता अमेरिका बाहिर उत्पादन प्लान्ट रहेका कम्पनीलगायत विदेशी ब्रान्डका कारलाई असर गर्ने द न्यूयोर्क टाइम्सले उल्लेख गरेको छ ।

यी कम्पनीहरुको उत्पादन प्लान्ट क्यानाड तथा मेक्सिकोलगायत देशमा छन् । 

विदेशबाट आयात हुने कार तथा यसका पार्ट्सबाहेक तयारी ट्रकमा समेत थप २५ प्रतिशत कर लाग्ने बताइएको छ । 

यो निर्णयले सुरुआती समयमा अमेरिकी अटोमोबाइल क्षेत्रलाई नकारात्मक प्रभाव पार्ने भए पनि दीर्घकालीन रुपमा सकारात्मक नतिजा दिने बताइएको छ ।