विराटनगर । मोरङमा आगलागीमा परी एक बालिकाको मृत्यु भएको छ । धनपालथान गाउँपालिकामा मंगलबार दिउँसोदेखि भएको आगलागीमा परी बालिकाको मृत्यु भएको हो । 

जिल्ला प्रहरी कार्यालय मोरङले जलेको अवस्थामा धनपाल–६ का अनित मियाकी ४ वर्षीय छोरी रेश्मा खातुनको शव फेला परेको बताएको छ । 

आगलागीमा परी टोलका ९ वटा घर जलेर खरानी भएका छन् । आगलागीमा परी दुईजना बालबालिका बेपत्ता भएको स्थानीयले प्रहरीलाई बताए । 

आगलागीमा परेको भनिएका अर्का ६ वर्षीय बालक अर्सद अली भने सम्पर्कमा आएको मोरङ प्रहरी प्रवक्ता डिएसपी वेदप्रकाश जोशीले जानकारी दिएका छन् ।