काठमाडौं । क्यानडाको नयाँ प्रधानमन्त्रीमा मार्क कार्नीले शपथग्रहण गरेका छन् ।

हालै क्यानडाको लिबरल पार्टीको नेतृत्वको चुनावमा विजयी भएपछि केन्द्रीय बैंकका पूर्वगभर्नर मार्क कार्नी अब क्यानडाको अर्को प्रधानमन्त्री बनेका छन् ।

सामान्यतया क्यानडाका प्रधानमन्त्रीको पहिलो विदेश भ्रमण अमेरिका हुने गर्छ । तर स्रोतका अनुसार मार्क कार्नीको पहिलो भ्रमण सोमबार फ्रान्स र बेलायत हुनेछ ।

जस्टिन ट्रुडो नौ वर्ष क्यानडाको प्रधानमन्त्री थिए । जस्टिन ट्रुडोपछि उनको स्थान मार्क कार्नीले लिएका छन् ।

ट्रुडोले जनवरीमा आफ्नै पार्टीको बढ्दो दबाबका कारण लिबरल पार्टीले नयाँ नेता चयन नगरेसम्म पदमा रहने बताएका थिए ।