काठमाडौं । गोकर्ण गोल्फ क्लबमा सम्पन्न भारतीय राजदूतको आमन्त्रित गल्फ प्रतियोगितामा कोलप्रताप बोहरा विजयी भएका छन् । ६–ह्यान्डिक्यापका साथ खेल्दै बोहराले प्रभावशाली ४२ स्टेबलफोर्ड अंक जोड्दै उपाधि जितेका हुन् । ३९ अंकसहित नवान्ग पासाङ शेर्पा दोस्रो स्थानमा रहे ।

कवि थापाले ३८ ग्रस अंकका साथ बेस्ट ग्रस पुरस्कार जिते । महिलातर्फ अवानी राय ३४ अंकका साथ विजयी भइन् । गीता गुरुङले ३० अंकका साथ दोस्रो स्थान प्राप्त गरिन् । वरिष्ठ श्रेणीमा पूर्णमान शाक्यले ३७ अंकका साथ विजय प्राप्त गरे ।  जनरल प्रजवाल्लालाई वरिष्ठतम् पुरुष गल्फरको सम्मान दिइयो ।

अञ्जिला योङ्जनले क्लोजेस्ट टु द पिन पुरस्कार जितिन् । तारुण अग्रवालले लंगेस्ट ड्राइभ पुरस्कार प्राप्त गरे । एसएसपी भीम दाहालले बेस्ट फ्रन्ट नाइन पुरस्कार २२ अंकका साथ जिते । तुलसी भट्टले बेस्ट ब्याक नाइन पुरस्कार २० अंकका साथ जिते ।

सुमन परियार र अवानी रायलाई एक लाख रुपैयाँको छात्रवृत्ति दिइयो ।

यो वार्षिक प्रतियोगिता भारतीय दूतावास, काठमाडौं, नेपालद्वारा आयोजना गरिएको थियो । प्रतियोगिता १८ होलको दुरीमा स्टेबलफोर्ड फम्र्याटमा ३/४ ह्यान्डिक्याप अलाउन्ससहित खेलाइएको थियो । प्रतियोगितामा कुल ९४ गल्फरहरूले प्रतिस्पर्धा गरेका थिए । भारतीय दूतावासले नेपालका गल्फर सद्भव आचार्यलाई गल्फमा हालका उपलब्धिहरूको लागि सम्मानित पनि गरेको थियो ।

नेपालका भारतीय राजदूत नवीन श्रीवास्तव, डिफेन्स अटाचे कर्नल वी सुव्रमण्यम, नेपाल एसबीआईका सीईओ रामकुमार तिवारी, अग्नि समूहका अध्यक्ष क्याबिनेट श्रेष्ठ, गोकारणा गोल्फ क्लबका अध्यक्ष सुहृद घिमिरे र क्याप्टेन जोसफ नाथनले विजेताहरूसँग पुरस्कार वितरण गरे ।