काठमाडौं । अमेरिकी राष्ट्रपति डोनाल्ड ट्रम्पले इजरायली बन्धकहरूको रिहाइको विषयलाई लिएर हमासलाई अन्तिम चेतावनी दिएका छन् ।

सामाजिक सञ्जाल ट्रुथमा ट्रम्पले लेखेका छन्, “म इजरायललाई काम सम्पन्न गर्न आवश्यक सबै कुरा पठाउँदै छु । यदि, उनीहरूले मेरो कुरा मानेनन् भने, हमासका एकजना पनि सदस्य सुरक्षित हुने छैनन् ।”

ह्वाइट हाउसले बन्धक मुद्दामा हमाससँग प्रत्यक्ष वार्ता गरिरहेको पुष्टि गरेको केही घण्टापछि यो खबर आएको हो ।

ट्रम्पले बन्धकहरूलाई रिहा नगरे इजरायलले ठूलो मूल्य चुकाउने चेतावनी दिएका छन् । यद्यपि, उनले इजरायललाई कस्तो सहयोग पठाउँदैछन् भनेर स्पष्ट पारेका छैनन् । 

उनले आफ्नो पोस्टमा लेखेका छन्, “सबै बन्धकहरूलाई अहिले नै रिहा गर, पछि होइन र तिमीले मारेकाहरूको शव तुरुन्तै फिर्ता गर, नत्र सबै कुरा सकियो ।”

उनले यो चेतावनी अन्तिम भएको भन्दै नेतृत्वलाई गाजा छोड्ने समय आएको बताएका छन् । 

उनले गाजाका जनताले सुन्दर भविष्य पर्खिरहेको तर बन्धक बनाइरहे त्यो सम्भव नरहेको भन्दै धम्क्याएका छन् । 

ट्रम्पको यो पोस्ट ह्वाइट हाउसमा हालै युद्धविरामअन्तर्गत रिहा गरिएका इजरायली बन्धकहरूको समूहलाई भेटेपछि आएको हो । बीबीसी