काठमाडौं । राष्ट्रिय स्वतन्त्र पार्टी (रास्वपा)का सांसद शिशिर खनालले पूर्वराजाले बोल्नुभएको विषयले डराउनुपर्ने अवस्था नरहेको बताएका छन् ।

मंगलबार संसद् भवन परिसरमा सञ्चारकर्मीहरूसँग कुरा गर्दै उनले यस्तो बताएका हुन । उनले देशभित्र लोकतान्त्रिक विधि र संस्थाहरू संस्थागत हुँदै गएको, अभ्यासहरू परिपक्व हुँदै गएको अवस्थामा डराउनुपर्ने अवस्था नहुने बताए । 

सरकारले जनपेक्षा अनुसारका काम गर्न नसकेको उल्लेख गरे । जनचाहनाअनुसारका काम नहुँदा जनतामा निराश उत्पन्न भइरहेको भन्दै जनतामा बढेको निराशाले सत्तापक्ष अत्तालिएको बताए ।