काठमाडौं । राष्ट्रिय स्वतन्त्र पार्टी (रास्वपा)ले सचिवालयको बैठक बोलाएको छ । बैठकमा समसामयिक विषय र पार्टीका गतिविधिमाथि छलफल हुनेछ ।  

नियमावली र कार्यविधिहरू (प्रवास नेपाली सम्पर्क विभाग नियमावली २०८१ (कार्यविधि प्रतिस्थापन), र्‍याट नियमावली २०८१, सम्पर्क विभाग नियमावली २०८१, निर्वाचन आयोगको नियमावली २०८१, पालिका अधिवेशन कार्यविधि २०८१ माथि छलफल गर्ने कार्यसूची रहेको कार्यवाहक महामन्त्री कविन्द्र बुर्लाकोटीले जानकारी दिए । 

दिउँसो २ बजे बस्ने बैठकमा सर्वांगीण सम्वाद र केन्द्रीय राजनीतिक प्रशिक्षणको तयारीका विषयमा पनि छलफल हुनेछ । 

बैठक पार्टी केन्द्रीय कार्यालय बनस्थलीमा बस्नेछ ।