काठमाडौं । चितवनको इच्छाकामना गाउँपालिका–५ स्थित ३ नम्बर पुलबाट मोटरसाइकलसहित त्रिशूली नदीमा हराएका व्यक्तिको खोजीकार्यका लागि गोताखोर परिचालन गरिएको छ ।

नारायणघाटबाट मुग्लिनतर्फ जाँदै गरेको बा ०६–०२ प ९२०४ नम्बरको मोटरसाइकल शुक्रबार (आज) बिहान करिब ११ः४० बजेको समयमा दुर्घटना भएको थियो ।

दुर्घटनाबारे जानकारी पाएलगत्तै सशस्त्र प्रहरी बल, नेपाल विपद् व्यवस्थापन तालिम शिक्षालय कुरिनटारबाट सशस्त्र प्रहरी निरीक्षक सूर्यराम राउतको कमान्डमा ६ जना गोताखोरसहितको सुरक्षा फौज परिचालन भई खोजीकार्य गरिरहेको डीएसपी एवम् सहप्रवक्ता शैलेन्द्र थापाले जानकारी दिए ।