काठमाडौं । एनआरएन इन्फ्रास्ट्रक्चर एन्ड डेभलपमेन्ट लिमिटेडको खुद नाफा बढेको छ ।

कम्पनीको वित्तीय विवरणअनुसार चालु आर्थिक वर्षको दोस्रो त्रैमाससम्म पाँच करोड ३७ लाख रुपैयाँ खुद नाफा आर्जन गरेको हो ।

कम्पनीले अघिल्लो आर्थिक वर्षको यसै अवधिसम्म खुद नाफा एक करोड ६३ लाख रुपैयाँ आर्जन गरेको थियो ।

समीक्षा अवधिमा कम्पनीको कुल आम्दानी २०९.९४ प्रतिशतले बढ्दै आठ करोड एक लाख रुपैयाँ पुगेको छ ।

कम्पनीको कुल खर्च ९८ लाख ६७ हजार रुपैयाँ छ । अघिल्लो आर्थिक वर्षमा यो ५४ लाख ९१ हजार रुपैयाँ थियो । कम्पनीको रिटेन्ड अर्निङ १० करोड ५५ लाख रुपैयाँ छ ।

कम्पनीको कुल चालु सम्पत्ति ३८ करोड १४ लाख र कुल चालु दायित्व एक करोड ४१ लाख रुपैयाँ रहेको छ ।

समीक्षा अवधिसम्म कम्पनीको प्रतिसेयर आम्दानीमा उल्लेख्य सुधार आएको छ । अघिल्लो आर्थिक वर्षको दोस्रो त्रैमाससम्म २.६७ रुपैयाँ रहेको कम्पनीको प्रतिसेयर आम्दानी बढेर ८.३७ रुपैयाँ पुगेको छ । साथै, कम्पनीको प्रतिसेयर नेटवर्थ १७२.१० रुपैयाँ र मूल्य आम्दानी अनुपात १३५.६५ गुणा कायम भएको कम्पनीले जनाएको छ ।