काठमाडौं । नेकपा (एमाले)ले वामदेव गौतम नेतृत्वको एकता अभियानसँग सहकार्य गर्ने निर्णय गरेको छ ।

आज (मंगलबार) बसेको सचिवालय बैठकले सैद्धान्तिक निर्णय गरेको प्रचार विभाग प्रमुख राजेन्द्र गौतमले जानकारी दिए । कुन जिम्मेवारी दिने भन्ने विषयमा छलफल भइरहेको उनले जानकारी दिए ।

बैठकले यही माघदेखि चैत्रसम्म वडा केन्द्रित अभियान प्रभावकारी ढंगले सञ्चालन गर्ने र अभियानमा सम्पूर्ण पार्टी पंक्ति परिचालनको योजना प्रदेश र जिल्ला कमिटीले बनाउने समेत निर्णय गरेको उनले जानकारी दिए ।

साथै, बैठकले अनुमोदन गर्न बाँकी रहेका गण्डकी, कर्णाली र सम्पर्क समन्वय कमिटीले गरेको प्रदेश कमिटी सदस्यको मनोनयनलाई अनुमोदन गर्ने र पार्टीको विधान महाधिवेशन २०८२ साल भदौ २० देखि २२ गतेसम्म ललितपुरको गोदावरीस्थित सनराइज हलमा आयोजना गर्ने समेत निर्णय गरेको छ ।