site stats
बाह्रखरी :: Baahrakhari
विदेश
Global Ime bankGlobal Ime bank
लोकसभामा गठबन्धन, दिल्ली चुनावको मुखमा भनाभन 

काठमाडौं । भारतमा करिब सात महिनाअघि एउटै गठबन्धनबाट लोकसभा चुनाव लडेका भारतीय कांग्रेस आई र आमआदमी पार्टीबीच खटपट सुरु भएको छ । दुवै दलले एक–अर्कालाई भाजपाको निकट रहेको आरोप लगाएका छन् । 

एक साताअघि दिल्लीको सिलमपुरमा विधानसभा चुनावको पहिलो र्‍यालीमा कांग्रेस नेता राहुल गान्धीले दिल्लीका पूर्वमुख्यमन्त्री अरविन्द केजरिवालको रणनीति भाजपाको जस्तै भएको बताएका थिए । 

बीबीसी हिन्दीका अनुसार कांग्रेस नेताहरूले क्षेत्रीय स्तरमा अरविन्द केजरिवालविरुद्ध बोल्दै आए पनि राहुल गान्धीले नै केजरिवालमाथि शब्दहमला गरेको यो पहिलोपटक हो । 

विगत केही दिनदेखि दुवै राजनीतिक दलले एकअर्कामाथि भाजपासँगको सम्बन्ध रहेको आरोप लगाउँदै आएका छन् ।

अरविन्द केजरिवालले पनि आफूले राहुल गान्धीमाथि एउटा लाइन बोलेको, तर त्यसको जवाफ भाजपाका मानिसहरूबाट आइरहेको भन्दै राहुल नेतृत्वको पार्टी कांग्रेस भाजपासँग मिलेको आरोप लगाएका छन् । 

दुवै दलले एउटै गठबन्धनमा लोकसभा चुनाव लडेका थिए । त्यसपछि हरियाणाको विधानसभा निर्वाचन भने दुवैले अलग–अलग लडेका थिए । 

त्यसयता शीर्ष नेतृत्वको तहमा यस्तो शाब्दिक हमला यसअघि सुनिएको थिएन । दिल्ली विधानसभा निर्वाचनको मुखमा आएर उनीहरूबीच सार्वजनिक छेडखानी सुरु भएको हो । 

दिल्ली विधानसभा चुनाव आगामी फेब्रुअरी ५ का लागि तोकिएको छ । भारतीय निर्वाचन आयोगका प्रमुख आयुक्त राजीव कुमारका अनुसार दिल्ली विधानसभाको नतिजा फेब्रुअरी ८ मा आउनेछ । 

दिल्लीका ७० सिटमध्ये १२ आरक्षित छन् भने ५८ सिट साधारण हुन् ।

प्रकाशित मिति: सोमबार, माघ ७, २०८१  २२:३८
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro