विराटनगर । जनता समाजवादी पार्टी कोसी संसदीय दलकी नेता निर्मला लिम्बूले सरकारले बजेटका योजना छनोटमा विभेद गरेको बताएकी छन् ।

कोसी प्रदेश सभाको सोमबार सुरु भएको छैटौँ अधिवेशन शुभारम्भ भएको पहिलो बैठकमा कार्यक्रम छनोटमा विभेद भएको बताइन् । उनले भनिन्,‘यही विषयमा तेस्रोपटक बोल्दै छु । प्रत्यक्ष निर्वाचित सांसदलाई एक–एक करोडका योजनामा दिइयो, तर समानुपातिकलाई पचास लाख ।’

समानता कायम नगरिएको उल्लेख गर्दै उनले सरकार काग कराउँदै गर्छ, पिना सुक्दै जान्छ भन्ने अवस्थामा रहेको बताइन् । सरकारको कार्य जनतामुखी र विकासमुखी नभएको उनले टिप्पणी गरिन् ।‌ 

अनगिन्ती योजना भए पनि सरकारको बजेट वितरण प्रणाली ठिक नभएको उनको भनाइ थियो ।‌