site stats
बाह्रखरी :: Baahrakhari
खेल
Global Ime bankGlobal Ime bank
नापोलीलाई पछ्याउँदै इन्टर

काठमाडौं । इटालियन सिरी ‘ए’मा शीर्ष स्थानको नापोलीलाई पछ्याइरहेको इन्टर मिलानले इम्पोलीविरुद्ध ३–१ को जित निकालेको छ । 

आइतबार राति घरेलु मैदान सान सिरोमा सम्पन्न खेलमा इन्टरलाई जित दिलाउन लौटारो मार्टिनेज, डेन्जेल डफ्रिज र मार्कुस थुरमले गोल गरे । इम्पोलीका सेबास्टियनो एस्पोसिटोले एक गोल फर्काएका थिए । खेलको चारै गोल दोस्रो हाफमा भएको हो । 

५५औँ मिनेटमा मार्टिनेजले गोल गर्दै इन्टरलाई अग्रतामा राखेका थिए । ७९औँ मिनेटमा डफ्रिजले घरेलु टिमको अग्रता दोब्बर बनाए । ८३औँ मिनेटमा एस्पोसिटोले गोल गर्दै इम्पोलीलाई २–१ को अवस्थामा ल्याएका थिए । तर, ८९औँ मिनेटमा थुरमले गोल गरेपछि इन्टरले ३–१ को जित पक्का गरेको हो ।

जितसँगै २० खेलबाट ४७ अंक जोडेको इन्टर तालिकाको दोस्रो स्थानमा छ । इन्टरभन्दा माथि रहेको नापोलीले २१ खेलबाट ५० अंक जोडेको छ । 

२१ खेलबाट २० अंक जोडेको इम्पोली भने तालिकाको १४औँ स्थानमा छ ।

प्रकाशित मिति: सोमबार, माघ ७, २०८१  ०९:००
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
सरकारले तत्काल सम्बोधन गरोस् !
सरकारले तत्काल सम्बोधन गरोस् !
Hamro patroHamro patro