काठमाडौं । दिल्लीका पूर्वमूख्यमन्त्रीसमेत रहेका आम आदमी पार्टीका संयोजक अरविन्द केजरीवालले मेट्रोमा विद्यार्थीहरूलाई ५० प्रतिशत छुट दिन माग गरेका छन् ।
चुनावको मुखमा केजरीवालले भारतीय प्रधानमन्त्री नरेन्द्र मोदीलाई एक पत्र लेखेर मेट्रोमा विद्यार्थीहरूलाई ५० प्रतिशत छुटको व्यवस्था गर्न माग गरेका हुन् ।
युवा मतदातालाई आफ्नो पक्षमा पार्न केजरीवालले केन्द्र सरकारसँग ठूलो माग गरेको भारतीय सञ्चारमाध्यमले जनाएका छन् ।
दिल्ली मेट्रोमा केन्द्र र दिल्ली सरकार दुवैको हिस्सा छ । विद्यार्थीलाई ५० प्रतिशत छुट दिँदा पर्ने आर्थिक भार केन्द्र र दिल्ली सरकारले बेहोर्नुपर्ने केजरीवालको भनाइ छ ।
केजरीवालले दिल्लीमा विद्यार्थीहरूलाई नि:शुल्क बस यात्राको व्यवस्था गर्न लागिएको पनि बताएका छन् ।
AAP National Convenor Arvind Kejriwal writes to Prime Minister Narendra Modi to provide a 50% subsidy on Metro fares for school and college students.
— ANI (@ANI) January 17, 2025
He also proposed that the burden of this subsidy be borne by the state and central government by a ratio of 50:50 pic.twitter.com/no13Y8QC2Z
दिल्लीमा ५ फेब्रुअरीमा विधानसभा चुनाव हुँदै छ । चुनावको नतिजा ८ फेब्रुअरीमा घोषणा हुनेछ ।
आम आदमी पार्टीले विधानसभा चुनावमा दिल्लीका सबै ७० सिटमा उमेदवार उठाएको छ । अर्कोतर्फ, भाजपा र कांग्रेसले पनि सबै ७० सिटमा उमेदवारलाई मैदानमा उतारेका छन् । भाजपाले भने गठबन्धनमा रहेका अन्य दुई दललाई एक–एक सिट दिएको छ ।
-1716278128.jpg)
-1734691541.jpg)
