काठमाडौं । माछापुच्छ्रे बैंकले २६औँ साधारणसभा सम्पन्न गरेको छ । बैंकले आइतबार होटेल पोखरा ग्रान्ड, पोखरामा आर्थिक वर्ष २०८०/८१ को वार्षिक प्रतिवेदन पारित गर्दै सम्पन्न गरेको हो ।

साधारणसभाले जय मुकुन्द खनाल, मनिषा भण्डारी र सुनिल नारायण श्रेष्ठलाई बैंक सञ्चालक समितिको सदस्य पदमा निर्विरोध निर्वाचित गरेको छ ।  

सभाले जी.पी.राजबहाक एन्ड कम्पनीलाई पुनः लेखापरीक्षक नियुक्त गर्न प्रस्ताव सर्वसम्मतिबाट पारित गरेको छ ।

त्यस्तै बैंकका प्रमुख कार्यकारी अधिकृत सन्तोष कोइरालाले बैंकले मुनाफामा भन्दा पनि दिगो बैंकिङमा जोड दिइरहेको र ग्राहकहरूको आवश्यकतालाई मध्यनजर गर्दै अन्तराष्ट्रिय तरको गुणस्तरीय सेवा प्रदान गर्नको निमित्त बैंक निरन्तर लागि परिरहेको बताए ।