काठमाडौं । स्वर्णलक्ष्मी सहकारी ठगीको आरोपमा पक्राउ परेका दुई प्रतिवादी धरौटीमा रिहा भएका छन् । उक्त सहकारीका सञ्चालक समिति सदस्य कमल लामा र लेखा सुपरिवेक्षण सदस्य सुनिता नेवा धरौटीमा रिहा भएका हुन् ।

जिल्ला प्रहरी परिसर काठमाडौंले उनीहरूलाई कात्तिक २० गते पक्राउ गरेको थियो । उनीहरूलाई जिल्ला अदालत काठमाडौंले बुधबार धरौटीमा रिहा गरेको जिल्ला अदालतका स्रेस्तेदार रामु शर्माले जानकारी दिए । 

जिल्ला अदालत काठमाडौंका न्यायाधीश पदमराज पाण्डेको इजलासले सुनितासँग ४ लाख र कमलसँग ३ लाख रुपैयाँ धरौटी  माग गरेको थियो । उक्त धरौटी बुझाएर उनीहरू रिहा भएका हुन् ।