काठमाडौं । हुम्लामा यो वर्ष तेस्रोपटक हिमपात भएको छ । शुक्रबार रातिदेखि हिमपात भएको हो ।

शनिबार बिहान सदरमुकाम सिमकोटमा चार इन्च हिउँ जमेको राससले जनाएको छ । उत्तरी नाम्खा गाउँपालिकामा दुई फिटसम्म हिउँ परेको बताइएको छ ।

राससका अनुसार, चिसो बढेसँगै सिमकोटसहित नाम्खा गाउँपालिकामा जनजीवन प्रभावित भएको छ । हिमपात भइरहेकाले यहाँका स्थानीय चिसोले घरबाहिर निस्कन नसकेको बताइएको छ । 

अन्तरजिल्ला जोड्ने एक मात्र हवाई सेवा अवरुद्ध भएको छ । हिमपात भइरहेकाले हवाई सेवा अवरुद्ध भएको हो ।

सदरमुकाम सिमकोट बजार क्षेत्रको सडकमा सवारीसाधन हिउँले ढाकिएका देखिएको छ ।

पश्चिमी न्यूनचापीय प्रणालीको प्रभावले शुक्रबार बेलुकादेखि देशका धेरै स्थानमा बदली (आकाशमा बादल), वर्षा र हिमपात भएको मौसम पूर्वानुमान महाशाखाले जनाएको छ ।

थप तस्बिर हेर्नोस्–