काठमाडौं । इंग्लिस प्रिमियर लिगमा म्यानचेस्टर युनाइटेड घरमै स्तब्ध बनेको छ । आइतबार राति घरेलु मैदान ओल्ड ट्राफोर्डमा युनाइटेडविरुद्ध पाहुना टिम बर्नमाउथले ३–० को जित निकालेको हो ।

जारी सिजनमा १७औँ खेल खेलेको युनाइटेडको यो सातौँ हार हो । तालिकाको १३औँ स्थानमा रहेको युनाइटेडको खातामा २२ अंक छ । युनाइटेडविरुद्ध प्रभावशाली जित निकालेको बर्नमाउथ पाँचौँ स्थानमा छ । बर्नमाउथले १७ खेलबाट आठ जितसहित २८ अंक जोडेको छ ।

आइतबार राति पाहुना टिमलाई जित दिलाउन डिन हुइसेन, जस्टिन क्लुभर्ट र एन्टोइन सेमेन्योले गोल गरे ।

खेलको २९औँ मिनेटमा हुइसेनले गोल गरेपछि बर्नमाउथले पहिलो हाफमा १–० को अग्रता बनाएको थियो । ६१औँ मिनेटमा क्लुभर्टको गोलमा पाहुना टिमले अग्रतालाई दोब्बर बनायो । त्यसको दुई मिनेटपछि नै बर्नमाउथले तेस्रो गोल ग¥यो । पाहुना टिमका सेमेन्योले गोल गरेपछि बर्नमाउथले सहज जितसँगै तीन अंक पक्का गरेको हो ।