काठमाडौं । सिन्धुपाल्चोकमा आफ्नै बुवाको हत्या गरेको आरोपमा प्रहरीले एकजनालाई पक्राउ गरेको छ । मेलम्ची नगरपालिका–१०, शिखरपुरका ५० वर्षीय यदुबहादुर बस्नेतको हत्या आरोपमा उनका छोरा ३४ वर्षीय राजारामलाई पक्राउ गरिएको प्रहरी प्रधान कार्यालयले जानकारी गराएको छ ।

गएको शनिबार राति राजारामले कुटपिट गर्दा यदु गम्भीर घाइते भएका थिए । उक्त सूचनापछि इलाका प्रहरी कार्यालय मेलम्चीबाट खटिएको टोलीले उनलाई पक्राउ गरेको हो ।

यदुको उपचारका क्रममा आइतबार (हिजो) दिउँसो काठमाडौंको अत्तरखेलस्थित मेडिकल कलेजमा मृत्यु भएको प्रहरीले जनाएको छ ।