काठमाडौं । नेपाल प्रिमियर लिग (एनपीएल)मा जनकपुर बोल्ट्सविरुद्ध काठमाडौं गुर्खाजले १०२ रनको लक्ष्य प्रस्तुत गरेको छ ।

बिहीबार कीर्तिपुरस्थित त्रिवि क्रिकेट मैदानमा जारी खेलमा टस जितेर ब्याटिङमा आएको काठमाडौंले १९.३ ओभरमा सबै विकेट गुमाएर १०१ रनको योगफल खडा गर्‍याे ।

काठमाडौंका गेरहार्ड इरास्मसले सर्वाधिक २० रन बनाए । उनले २२ चौका प्रहार गरे । कप्तान करण केसीले १३ बलमा दुई चौका र एक छक्कासहित १९ रन थपे । साहब आलम आठ रनमा अविजित रहे । ओपनर स्टेफन एस्किानजीले १९ बलमा दुई चौकाहित १७ रन जोडे । यसबाहेक, अन्य ब्याटरले दोहोरो अंकमा रन जोड्न सकेनन् । 

त्यसअघि काठमाडौंले ओपनर माइकल लेभिटलाई आठ र भीम सार्कीलाई चार रनको व्यक्तिगत स्कोरमा गुमाएको थियो । राशिद खानले सात, प्रतीक श्रेष्ठले ६ र राशिद खानले एक रन थपे । काठमाडौंका सुमित महर्जन र दीपेश कँडेल ‘डक’ भए ।

काठमाडौंविरुद्ध जनकपुरका ललितनारायण राजवंशीले तीन विकेट लिए । चार ओभर बलिङ गरेका ललितले दुई मेडन फ्याक्दै आठ रनमात्र खर्र्चिए । उनले काठमाडौंका स्टेफन एस्किनाजी, सुमित महर्जन र प्रतीक श्रेष्ठको विकेट लिए । योसँगै ललित प्रतियोगितामा सर्वाधिक विकेट लिने बलर बनेका छन् । उनले हालसम्म ६ खेल खेल्दा ११ विकेट लिएका छन् । उनलाई पछ्याइरहेका जनकपुरकै किशोर महतोले ६ खेलमै १० विकेट लिएका छन् ।

ललितबाहेक, शेर मल्लले पनि तीन विकेट लिए । ३.३ ओभर बलिङ गरेका शेरले ११ रनमा खर्चिए । र शेरले डान डाउथवेट, करण केसी र दीपेश कँडेलको विकेट लिए । मोहमद मोहसिनले दुई विकेट लिए । चार ओभर बलिङ गरेका मोहसिनले २० रनमात्र खर्चिए । उनले भीम सार्की र गेरहार्ड इरास्मसलाई पभेलियनको दिशा देखाएका थिए । 

यस्तै, किशोर महतो र अर्निको यादवले समान एक विकेट लिए । किशोरले माइकल लेभिट र अर्निकोले राशिद खानको विकेट लिएका थिए ।

प्रतियोगितामा आज जनकपुर पाँचौँ जितको लक्ष्यमा छ । जनकपुरले प्रतियोगिताको पहिलो खेलमा विराटनगर किंग्सविरुद्ध आठ विकेटको, दोस्रो खेलमा कर्णाली याक्सविरुद्ध आठ विकेटको, तेस्रो खेलमा पोखरा एभेन्जर्सविरुद्ध सात विकेटको र चौथो खेलमा लुम्बिनी लायन्सविरुद्ध एक रनको जित निकालेको थियो । पाँचौँ खेलमा भने जनकपुरले सुदूरपश्चिम रोयल्सविरुद्ध ७२ रनको हार बेहोरेको थियो ।

यता, काठमाडौं भने आज तेस्रो जितको खोजीमा छ । काठमाडौंले यसअघिका चार खेलमध्ये दुईमा जित र दुईमा हार बेहोरेको छ । काठमाडौंले पहिलो खेलमा चितवन राइनोजविरुद्ध पाँच विकेटको हार बेहोरेको थियो । दोस्रो खेलमा कर्णालीविरुद्ध तीन विकेटले पराजित भएको काठमाडौंले चौथो खेलमा सुदूरपश्चिम रोयल्ससँग पुनः ७३ रनको हार बेहोरेको थियो । चौथो खेलमा भने काठमाडौंले लुम्बिनी लायन्सविरुद्ध १८ रनको जित निकालेको थियो ।