site stats
बाह्रखरी :: Baahrakhari
खेल
Global Ime bankGlobal Ime bank
डर्टमन्डविरुद्ध टोरेसप्रेरित बार्सिलोनाको रोमाञ्चक जित 

काठमाडौं । फेरान टोरेसको दुई गोलप्रेरित स्पेनिस क्लब बार्सिलोनाले यूईएफए च्याम्पियन्स लिगमा जर्मन क्लब बोरुसिया डर्टमन्डविरुद्ध ३–२ को रोमाञ्चक जित निकालेको छ । बुधबार राति डटर्मन्डको मैदान सिंग्नल इदुना पार्कमा पाहुना टिमलाई जित दिलाउन टोरेसले दुई र राफिन्हाले एक गोल गरे ।

घरेलु टिमका निम्ति दुवै गोल सेर्होउ गुइरासीले गरेका थिए । खेलको पाँचौँ गोल दोस्रो हाफमा भएको थियो ।

५२औँ मिनेटमा राफिन्हाले गोल गर्दै बार्सिलोनालाई अग्रतामा राखेका थिए । ६०औँ मिनेटमा गुइरासीले गोल गर्दै घरेलु टिमलाई खेलमा फर्काए । ७५औँ मिनेटमा टोरसको गोलमा बार्सिलोनाले पुनः २–१ को अग्रता बनायो । तर, पाहुन टिमको यो अग्रता पनि लामो समय टिक्न सकेन । ७८औँ मिनेटमा पुनः गुइरासीकै गोलमा डर्टमन्ड खेलमा फर्कियो । 

तर, खेलको निर्धारित समय सकिन पाँच मिनेट बाँकी रहँदा टोरेसले गोल गर्दै बार्सिलोनालाई ३–२ को अग्रतामा राखे । यही गोल निर्णायक बन्दा बार्सिलोनाले च्याम्पियन्स लिगमा पाँचौँ जित पक्का गरेको हो ।

जितसँगै ६ खेलबाट १५ अंक जोडेको बार्सिलोना तालिकाको दोस्रोे स्थानमा उक्लिएको छ । बार्सिलोनाले ६ मध्ये एक खेलमा मात्र हार व्यहोरेको छ । समान खेलबाट १२ अंकको डर्टमन्ड नवौँ स्थानमा छ । डर्टमन्डले च्याम्पियन्स लिगका चार खेलमा जित निकाल्दा दुईमा हार व्यहोरेको छ ।

प्रकाशित मिति: बिहीबार, मंसिर २७, २०८१  १०:११
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
Hamro patroHamro patro