काठमाडौं । नेकपा (एमाले)का उपमहासचिव प्रदीप ज्ञवालीले विभिन्न आन्दोलनपछि मुलुकको व्यवस्था परिवर्तन भए पनि जनताको अवस्था परिवर्तन हुन नसकेको बताएका छन् । रामप्रसाद राई स्मृति प्रतिष्ठानले सोमबार काठमाडौंमा आयोजना गरेको विचार गोष्ठीमा ज्ञवालीले मुलुकको व्यवस्था परिवर्तनसँगै अब जनताको अवस्था परिवर्तनमा ध्यान दिनुपर्ने समेत बताए ।

तीन–तीनवटा ठूला परिवर्तनपछि पनि जनतामा देखिएका गुनासालाई सम्बोधन गर्नुपर्ने उनले बताए । ज्ञवालीले विभिन्न आन्दोलनपछि मुलुक र जनताको अवस्थामा केही सुधार भए पनि क्रान्तिले लिएको लक्ष्यसम्म भने पुग्न नसकिएको धारणा राखे ।

परिवर्तनका शक्तिहरूले आफूलाई नियाल्दै आफ्ना कामक्रियाकलपालाई जनताको जिवनस्तरसंग जोड्न सक्नुपर्ने उहाको भनाइ छ ।

ज्ञवालीले ०७ सालदेखिका क्रान्तिका अभिभारालाई मुलुकको विकाससँगै जनमुखी कार्यक्रम ल्याएर पूरा गर्न सक्नुपर्नेमा जोड दिए ।

उनले २००७ सालको राणाविरुद्धको क्रान्तिमा नेतृत्व गरेका रामप्रसाद राईका अधुरा सपनालाई साकार पार्दै अघि बढ्नुपर्ने उल्लेख गरे ।