काठमाडौं । ऊर्जा, जलस्रोत तथा सिँचाइमन्त्री दीपक खड्काले अपरिपक्व व्यवहार देखाएका छन् । नेपाल विद्युत् प्राधिकरणका कार्यकारी निर्देशक कुलमान घिसिङ जिल्लाबाहिर गएका बेला त्यहाँ रातारात कार्यकक्ष बनाउन लगाएर उनले अपरिपक्वता प्रस्तुत गरेका हुन् ।

डेडिकेटेड तथा ट्रंकलाइन विवादमा खड्का र घिसिङबीच द्वन्द्व छ । यही बेला मन्त्रीले रत्नपार्कस्थित प्राधिकरणको कार्यालयमा रातारात आफ्नो कार्यकक्ष बनाउन लगाएका हुन् ।

रङ समेत नसुकेको कार्यकक्षमा बुधबार सचिवसहित पुगेका खड्कालाई प्राधिकरणका उपनिर्देशक मनोज सिलवाललगायत कर्मचारीले स्वागत गरे ।

बाह्रखरीले चार महिनापछि रङ समेत नसुकेको कार्यकक्षमा आउनुभयो भन्ने प्रश्न गर्दा खड्काले भने, “प्राधिकरणका अध्यक्षको हैसियतले कार्यकक्ष बनाउन लगाएको र यहाँ आउँदा बस्ने ठाउँसम्म नभएका कारण आवश्यक थियो ।”