सियोल (दक्षिण कोरिया) । कोरियाको दक्षिणी रिसोर्ट टापु जेजुमा ३८ भियतनामी पर्यटक बेपत्ता भएको योन्हाप समाचार एजेन्सीले मंगलबार टापुको पर्यटन संगगठनलाई उद्धृत गर्दै जनाएको छ ।

गत नोभेम्बर–१४ मा चार्टर्ड भियेटजेट एयरको उडानबाट करिब ९० भियतनामी यात्रु टापुमा आइपुगेको स्रोतले जनाएको छ ।  

तिनीहरूमध्ये ३८ पर्यटक यही स्थानबाट सम्पर्कविहीन भएको तथा बाँकी यात्रुहरू सोही उडानमा फिर्ता भएको स्रोतले जनाएको छ ।  

ती विदेशी यात्रुहरूलाई बिनाभिसा ३० दिनसम्म उक्त टापुमा बस्न अनुमति दिइएको थियो । जसअनुसार ती भियतनामी पर्यटकहरू डिसेम्बर–१४ पछि अवैध आप्रवासी हुनेछन् ।

टापुस्थित अध्यागमन कार्यालयले बेपत्ता भियतनामीहरूको ठेगाना पत्ता लगाउन निगरानी गरिरहेको जनाएको छ । रासस/सिन्ह्वा