काठमाडौं । राष्ट्रिय प्रजातन्त्र पार्टी (राप्रपा)का वरिष्ठ उपाध्यक्ष रवीन्द्र मिश्रले राष्ट्रिय स्वतन्त्र पार्टी (रास्वपा)लाई कांग्रेस, एमाले र माओवादीको पुच्छर पार्टीको संज्ञा दिएका छन् । पार्टीका काठमाडौं–१६ का वडाध्यक्ष उमेदवारलाई भोट माग्न आयोजित सभामा मिश्रले नयाँ पार्टी पुरानाभन्दा फरक नभएको बताए । 

उनले पूरानै पार्टीहरूको मुद्दामा साथ दिनेगरी नयाँ पार्टी आएको बताए । “अहिले त कांग्रेस एमाले र माओवादीको पुच्छर समाएर हिँड्ने नयाँ पार्टी पनि आएको छ,” वरिष्ठ उपाध्यक्ष मिश्रले भने । 

उनले देश बचाउन कांग्रेस, एमाले र माओवादीसहित नयाँ आएको पार्टीलाई साथ दिन नहुने बताए । उनले देशमा रोजगारी नभएर विदेशीनेहरू स्वदेश फर्कने वातावरण बनाउन राप्रपालाई भोट हाल्नुपर्ने बताए ।