site stats
बाह्रखरी :: Baahrakhari
खेल
Global Ime bankGlobal Ime bank
Nabil Bank Banner adNabil Bank Banner ad
इन्टर अझै अपराजित, लेवान्डोवस्की चम्किँदा बार्सिलोनालाई तीन अंक 

काठमाडौं । यूईएफए च्याम्पियन्स लिगमा इटालियन क्लब इन्टर मिलानले अपराजित यात्रालाई पाँचौं खेलसम्म लम्ब्याएको छ । 

इन्टरले मंगलबार राति घरेलु मैदान सान सिरोमा भएको खेलमा आरबी लाइपजिगविरुद्ध १–० को साँघुरो जित निकालेको हो । 

इन्टरको जितमा लाइपजिगका खेलाडीबाट भएको आत्मघाति गोल निर्णायक बन्यो । खेलको २७औँ मिनेटमा कास्टेलो लुकेबाबाट आत्मघाति गोल भएपछि इन्टरले अग्रता बनाएको थियो । यसपछि थप गोल नहुँदा इन्टर जितसहित तालिकाको शीर्ष स्थानमा उक्लिएको हो । 

जितसँगै पाँच खेलबाट १३ अंक जोडेको इन्टर शीर्ष स्थानमा छ । हालसम्म अपराजित इन्टरले चारमा जित निकाल्दा एक खेलमा बराबरी खेलेको छ । समान खेल खेल्दा पनि अंकविहीन लाइपजिग भने तालिकाको ३३औँ स्थानमा छ । 

मंगलबार राति नै भएको अर्को खेलमा स्पेनिस क्लब बार्सिलोनाले ब्रेस्टविरुद्ध ३–० को सहज जित निकालेको छ । 

घरेलु मैदानमा भएको खेलमा बार्सिलोनालाई जित दिलाउन रोबर्ट लेवान्डोवस्कीले दुई र ड्यानी ओल्मोले एक गोल थपे । 

खेलको १०औँ मिनेटमा प्राप्त पेनाल्टीलाई सदुपयोग गर्दै लेवान्डोवस्कीले बार्सिलोनालाई अग्रतामा राखेका थिए । ६६औँ मिनेटमा ओल्मोले घरेलु टिमको अग्रता दोब्बर बनाए । यस्तै, इन्जुरी समयमा लेवान्डोवस्कीले दोस्रो गोल गरेपछि बार्सिलोनाले सहज जितसहित तीन अंक पक्का गरेको हो ।  

जितसँगै पाँच खेलबाट १२ अंक जोडेको बार्सिलोना तालिकाको दोस्रो स्थानमा उक्लिएको छ । बार्सिलोनाले चार खेलमा जित निकाल्दा एक खेलमा हारको नतिजा आत्मसात गरेको छ । समान खेलबाट १० अंक जोडेको ब्रेस्ट तालिकाको नवौँ स्थानमा छ । प्रतियोगितामा ब्रेस्टको यो पहिलो हार हो ।

NIBLNIBL
प्रकाशित मिति: बुधबार, मंसिर १२, २०८१  १०:२०
worldlinkworldlink
प्रतिक्रिया दिनुहोस्
national life insurance newnational life insurance new
Ncell Side Bar LatestNcell Side Bar Latest
Bhatbhateni IslandBhatbhateni Island
सम्पादकीय
प्रतिगमनको दिवास्वप्न नदेख !
प्रतिगमनको दिवास्वप्न नदेख !
Hamro patroHamro patro