काठमाडौं । धरान उपमहानगरपालिकाका मेयर हर्क साम्पाङ काठमाडौंको कीर्तिपुर नगरपालिकाको चुनावी प्रचारमा पुगेका छन् । उनले स्वतन्त्र उमेदवार राजमान महर्जनलाई समर्थन गर्ने जनाएका छन् ।

केटा र केटी चुनाव चिह्न पाएका महर्जनको प्रचारमा साम्पाङ काठमाडौं आएका हुन् ।

“अहिले (साँझ) कीर्तिपुरमै एउटा कार्यक्रम हुँदै छ । धरानका प्रमुख चुनावी कार्यक्रमका लागि आइपुग्नुभएको छ,” महर्जनले बाह्रखरीसँग भने ।

फोहोर मैला सरसफाइ अभियन्ता महर्जनले स्वतन्त्र उमेदवारहरूलाई सहयोग गर्न पहल पनि गरिरहेका छन् । 

“भोलि बिहान ८ बजे कार्यक्रम गर्दै छौँ । स्वतन्त्र उमेदवरहरूलाई सहयोगका लागि अपिल भइरहेको छ । भोलिको कार्यक्रमबाट थाहा हुन्छ,” उनले भने ।

कीर्तिपुर नगरपालिकामा राजनीतिक दलका ९ र ११ जना स्वतन्त्र उमेदवार छन् । मंसिर १६ गते कीर्तिपुरका १ र ४ नम्बर वडामा पनि उपनिर्वाचन हुँदै छ ।