फ्रान्स । फ्रान्सको सामुद्रिक तटबाट च्यानल हुँदै बिहीबार राति भारबहन क्षमताभन्दा बढी आप्रवासी लिएर बेलायततर्फ गइरहेको एउटा डुंगा डुब्दा एक बालकको मृत्यु भएको फ्रान्सेली अधिकारीहरूले शुक्रबार बताएका छन् । अधिकारीका अनुसार डुंगा फ्रान्सेली सहर विसान्टमा दुर्घटना भएको थियो भने उद्धारकर्मीले अन्य ६५ जनालाई सकुशल उद्धार गरेका छन् । 

पछिल्लो डुंगा दुर्घटनासँगै यस वर्ष च्यानल पार गर्ने प्रयास गर्दा ज्यान गुमाउने आप्रवासीहरूको संख्या कम्तीमा ५२ पुगेको छ । सन् २०१८ पछिको सबैभन्दा धेरै रेकर्ड हो ।  

उक्त स्थानमा गत सेप्टेम्बर ३ मा पाँच बालबालिका र पाँच वयस्कको मृत्यु भएको स्रोतले जनाएको छ । त्यसको एक महिनापछि सामुद्रिक च्यानलको मार्ग हुँदै जोखिमपूर्ण यात्राका क्रममा ओभरलोड भएका डुंगा दुर्घटनामा पर्दा एक बालक तथा तीन वयस्कको मृत्यु भएको जनाइएको छ ।  

बेलायतको सरकारी तथ्यांकअनुसार यस वर्ष आप्रवासी डुंगामा खतरनाक यात्रा गरी बेलायत पुग्ने आप्रवासीहरूको औसत संख्या५३ रहेको छ ।

बेलायतको गृहमन्त्रालयको तथ्यांकअनुसार यस वर्ष जनवरी १ देखि हालसम्म २६ हजारभन्दा बढी आप्रवासीहरू समुद्र पारगरी बेलायती तटमा आइपुगेका छन् । रासस/एएफपी