काठमाडौं । बडादसैँको दशमीका दिनमा पनि वाग्मती सफाइ महाअभियानलाई निरन्तरता दिइएको छ । प्रत्येक हप्ताको शनिबार स्वयंसेवी रूपमा वाग्मती सफाइ गरिँदै आएको छ ।

वाग्मती सफाइ महाअभियानको ५९६औँ हप्तामा आज तिलगंगास्थित वाग्मती किनारमा सफाइ गरिएको अभियानकर्मी डा. माला खरेलले जानकारी दिइन् । बिहान ७ देखि ९ बजेसम्म १० सफाइ अभियानकर्मीले १० बोरा फोहर व्यवस्थापन गरेको जानकारी उनले जानकारी दिइन् ।

अभियानकर्मीले उठाएको फोहर काठमाडौं महानगरपालिकाले व्यवस्थापन गर्ने गरेको छ ।

वि.सं. २०७० जेठ ५ गतेदेखि सुरु गरिएको वाग्मती सफाइ महाअभियान प्रत्येक हप्ताको शनिबार बिहान दुई घण्टा निरन्तर रूपमा हुँदै आएको छ । वाग्मती सफाइ महाअभियानले नागरिकमा सफाइ जागरण फैलाउन सहयोग गरेको छ ।

स्थानीय सरकारको असहयोगले सफाइमा आशातीत सफलता भने हासिल हुन नसकेको अभियानकर्मीको भनाइ छ । रासस