काठमाडौं । ग्रेट इन्डियन स्मार्टफोन सर्भे २०२४ मा ओभरअल स्याटिस्फ्याक्सनमा नथिङले नम्बर एक स्थान हासिल गर्न सफल भएको कम्पनीले जनाएको छ । आठ हजारभन्दा बढी ग्राहकमा गरिएको एक विशेष सर्भेमा ब्रान्डप्रति सर्वाधिक सन्तुष्ट ग्राहक नथिङले प्राप्त गर्न सफल भएको हो ।

ब्लोटवेयर फ्री क्लिन अपरेटिङ सिस्टमका निम्ति टेक कम्युनिटीले मुक्तकण्ठले प्रशंसा पाउने नथिङले आफ्नो तेस्रो जेनेरेसनको अपरेटिङ सिस्टम नथिङ ओएस ३ अक्टोबरमा रोलआउट गर्ने घोषणा हालै गरेको छ ।

नथिङले आफ्नो नयाँ बड्स नथिङ इअर ओपनको गच अक्टोबर २६ मा लन्डनमा आयोजित एक समारोहमा अनावरण गर्दै नयाँ अपरेटिङ सिस्टमको समेत जानकारी दिएको हो । स्मार्टफोन तथा एक्सेसोरिज्का क्षेत्रमा रिभुलेसनरी डिजाइन, एक्सिलेन्ट परफर्मेन्स र एफोर्डेबल प्राइसिंका माध्यमबाट आमउपभोक्ताको मन हर्न सफल भएको नथिङ नेपाली बजारमा चौधरी समूहले आयात तथा बिक्री–वितरण गर्दै आएको छ ।

नेपाली बजारमा नथिङले अतुलनीय बिक्रीपश्चात्को सेवा प्रदान गर्ने नीति लिएको छ । नथिङका स्मार्टफोन तथा एक्सेसोरीज्मा कुनै पनि समस्या आएको खण्डमा रिप्लेसमेन्ट दिने वारेन्टी पोलिसी लिएको नथिङले फिजिकल ड्यामेजमा समेत नयाँ नै स्मार्टफोन आफ्ना ग्राहकलाई दिनेछ ।

हाल नेपाली बजारमा नथिङ तथा नथिङको सब ब्रान्ड सीएमएफ बाई नथिङका स्मार्टफोन तथा एक्सेसोरीजहरू सर्वत्र उपलब्ध छन् । भारतीय बजारसँग प्रतिस्पर्धा गर्ने मूल्य, उत्कृट फिचर र सर्वोत्कृष्ट बिक्री–पश्चात्को सेवाले नथिङ नेपाली बजारमा दिन प्रतिदिन लोकप्रिय बन्दै गएको छ ।