काठमाडौं । कवि सुशिला शर्मा ‘शिलु’को पहिलो कविताकृति ‘म अझै जीवित रहेछु’ सार्वजनिक गरिएको छ । शुक्रबार नेपाल स्रष्टा समाजद्वारा काठमाडौंमा आयोजित कार्यक्रममा कवितासंग्रह लोकार्पण गरिएको हो ।

समीक्षक ज्ञानु अधिकारीले शर्माको कवि छवि बनेको बताइन् । उनका कवितामा सामाजिक परिवेश र प्रकृतिको सौन्दर्य भेटिने उनले उल्लेख गरिन् ।

कार्यक्रमका वक्ता प्रियहरि भण्डारी र गोपालविक्रम थापाले शर्मालाई लेखन यात्रामा निरन्तर लागिरहन शुभकामना दिए ।

कवि शर्माले आफूले सानै उमेरदेखि लेख्न थालेको बताइन् । आफूलाई परिचित साहित्यकार तथा घरपरिवारबाट सधैँ प्रेरणा मिलेको उनले सुनाइन् ।

उक्त अवसरमा केही सर्जकले कृतिभित्रका कवितावाचन गरेका थिए ।