काठमाडौं । गृहमन्त्री रमेश लेखकले स्थानीय तहले लाभग्राही पहिचान गरेको तीन दिनभित्र अस्थायी आवासका लागि पहिलो किस्ता दिने निर्णय गरेको बताएका छन् ।

संघीय संसद्को राज्यव्यवस्था तथा सुशासन समितिको बैठकमा गृहमन्त्री लेखकले राहत वितरणको काम पनि छिटो गर्न निर्देशन भइसकेको बताए । 

“स्थानीय तहले लाभग्राही पहिचान गरेको तीन दिनभित्र पहिलो किस्ता दिने निर्णय गरेका छौँ,” लेखकले भने, “स्थायी आवासको लागि सरकारले पछि छुट्टै पैसा दिन्छ । उनले मृतकका परिवारलाई राहतस्वरुप दुई लाख दिने निर्णय गरेको पनि जानकारी दिए ।