काठमाडौं । चलचित्र ‘बेहुली फ्रम मेघौली’को अग्रिम टिकट बुकिङ खुला भएको छ । असोज १७ गतेबाट रिलिज हुने चलचित्रको टिकट बुकिङ खुला भएको हो । 

चलचित्रले मल्टिप्लेक्समा उच्च शो पाएको छ । देशकै ठूलो मल्टिप्लेक्स चेन क्यूएफएक्समा यो चलचित्रले ७२ शो पाएको छ । क्यूएफएक्सले काठमाडौं उपत्यकामा ३३ शो दिएको छ ।  काठमाडौं बाहिर यो सिनेमाले ३९ शो पाएको छ । 

दोस्रो ठूलो मल्टिप्लेक्स आईएनआईमा १४ शो पाएको छ । एक वान सिनेमाजमा ११ शो पाएको छ । 

अन्य मल्टिप्लेक्सले पनि ‘बेहुली फ्रम मेघौली’लाई उच्च शो दिएका छन् । केही हलले भने शो बाँडफाँट गर्न बाँकी छ । 

‘बेहुली फ्रम मेघौली’मा स्वस्तिमा खड्का र निश्चल बस्नेत मुख्य भूमिकामा छन् । लगानी पनि निश्चल र स्वस्तिमा कै हो । 

‘बेहुली फ्रम मेघौली’को मुख्य भूमिकामा स्वस्तिमा र निश्चल सँगै बसुन्धरा भुषाल, विजय बराल, सिमरन खड्का, लोकेन्द्र लेखक, रक्षा थापा, सिरु विष्ट, आमिर गौतम, शिशिर सिवाकोटी, टीका पहारी, प्रभाकर शर्मा, लुनिभा तुलाधर, मुकुन्द मैनाली र रामबाबु रेग्मीको अभिनय छ ।

अभिनेत्री स्वस्तिमा खड्कालाई निर्माणमा निश्चलले सघाएका छन् । सिनेमाका कार्यकारी निर्माता फिरोज खड्का र शंकर पाण्डे हुन् ।

चलचित्रका लेखक तथा निर्देशक सजल काफ्ले र आकाश बराल हुन् ।