site stats
बाह्रखरी :: Baahrakhari
देश
Global Ime bankGlobal Ime bank
नुवाकोटमा रुखमा अड्कियो हायस, चालक भन्छन्– ब्रेक नै लागेन

काठमाडौं । नुवाकोटमा सोमबार दिउँसो हायस माइक्रोबस दुर्घटना हुँदा १२ जना घाइते भएका छन् । शिवपुर गाउँपालिका–७, चापागोठ भन्ने स्थानमा ग१ख ४५३५ नम्बरको हायस दुर्घटना भएको प्रहरीले जानकारी गराएको छ ।

घाइते १२ जनालाई उपचारका निम्ति काठमाडौं ल्याइएको छ । उक्त हायसमा १८ जना सवार रहेका जिल्ला प्रहरी कार्यालय नुवाकोटका सूचना अधिकारी एवं डीएसपी तिलक भारतीले जानकारी दिए ।

“१२ जनालाई हस्पिटल काठमाडौंमा पठाइएको छ । १८ जनामा अरू घाइते छैनन् । अरूलाई चोट छैन,” दुर्घटनास्थलमा रहेका उनले बाह्रखरीसित भने ।

सोमबार दिउँसो करिब १२ः४५ बजे दुर्घटना भएको हो । हायस सडकबाट करिब ३० मिटर तल खसेको उनले जानकारी दिए । उनले यसअघि हायस १०० मिटर तल खसेको बताएका थिए । तर, यकिन गरी हेर्दा ३० मिटरजति देखिएको उनले स्पष्ट पारे ।

उनका अनुसार, हायस सडकबाट खसेर रुखमा अड्किएको छ । रुखमा अड्किएकाले यात्रु जोगिएको उनको भनाइ छ । “३० मिटर तल खसेको रहेछ । मौवाको रुखमा अड्किएको छ,” उनले भने, “यात्रु घाइतेबाहेक अरू हताहत भएको छैन ।”

चालकको अवस्था पनि सामान्य रहेको उनले बताए । ब्रेक नलागेकाले मोड्न नसकेर गाडी खसेको चालकले बताएको उनले जानकारी दिए ।

“ब्रेक नै लागेन भनेका छन् । एक नम्बर गियरमा थियो, पम्प दिएँ, मोड्नै सकिनँ भन्छन्,” डीएसपी भारतीले चालकको भनाइ उद्धृत गरे ।

उक्त हायस काठमाडौंबाट पोखरातर्फ जाँदै थियो ।

प्रकाशित मिति: सोमबार, असोज १४, २०८१  १४:१९
worldlinkworldlink
प्रतिक्रिया दिनुहोस्
MPG Admark South Asian UniversityMPG Admark South Asian University
Nepal Life Insurance banner adNepal Life Insurance banner ad
Ncell Side Bar LatestNcell Side Bar Latest
Bhatbhateni IslandBhatbhateni Island
Shivam Cement DetailShivam Cement Detail
सम्पादकीय
Hamro patroHamro patro