काठमाडौं । नेपाल स्टक एक्सचेञ्ज (नेप्से) साताको अन्तिम कारोबारको दिन ३२.८१ अंकले घटेको छ । बिहीबार बजार मापक २४८६.७६ विन्दुमा कायम भएको हो । 

आज ३९ कम्पनीको सेयर मूल्य बढ्दा २०१ कम्पनीको घटेको छ । यस दिन चार अर्ब ८४ करोड १४ लाख सात हजार ७२० रुपैयाँ बराबरको एक करोड ३६ लाख ९१ हजार ५९६ कित्ता सेयर खरिद बिक्री भएको छ ।

बजार घटे पनि विन नेपाल लघुवित्त, बोतलर्स नेपाल (बालाजु) एसबीएल डिबेन्चर, एनआईसी एसिया डिबेन्चर, एनएमबि डिबेन्चर लगायतको सेयर मूल्य उच्च कमाउने कम्पनीमा परे ।

उपसमूह सूचकतर्फ म्यानिफ्यक्चरिङ एण्ड प्रोसेसिङ इन्डेक्स ०.३० अंक तथा टे«डिङ इन्डेक्स ३५.१५ अंकले बढ्दा बाँकी समूह सूचक राताम्मे देखिएका छन् ।