काठमाडौं । नेपालले प्राप्त गर्दै आएको अन्तर्राष्ट्रिय विकास सहयोग बर्सेनि घट्दो क्रममा छ । त्यस्तो सहयोग खर्च गर्ने क्षमता नहुँदा नेपालले पाउँदै आएको अन्तर्राष्ट्रिय विकास सहायता ओरालो लागेको हो ।

अर्थ मन्त्रालयले हालै जारी गरेको नयाँ तथ्यांकानुसार, नेपालले गत आर्थिक वर्ष २०८०/८१ मा एक खर्ब ४५ अर्ब ८८ करोड रुपैयाँ अन्तर्राष्ट्रिय विकास सहयोग प्राप्त गरेको छ । त्यसमा २२ अर्ब २७ करोड अनुदान र एक खर्ब २३ अर्ब ६१ करोड रुपैयाँ ऋण रहेको छ ।

आर्थिक वर्ष २०७९/८० मा नेपालले दुई खर्ब ४६ अर्ब १६ करोड रुपैयाँ अन्तर्राष्ट्रिय वैदेशिक सहायता प्राप्त गरेको थियो । त्यसमा २३ अर्ब १२ करोड अनुदान र एक खर्ब २३ अर्ब १५ करोड रुपैयाँ ऋण थियो ।

अर्थ मन्त्रालयको तथ्यांकानुसार, नेपालले पछिल्लो पाँच वर्षमा आठ खर्ब दुई अर्ब एक करोड रुपैयाँ अन्तर्राष्ट्रिय विकास सहायता प्राप्त गरेको छ ।

आर्थिक वर्ष २०७६/७७ मा नेपालले एक खर्ब ७३ अर्ब दुई करोड अनुदान र १९ अर्ब १९ करोड ऋण गरी कुल एक खर्ब ९२ अर्ब २२ करोड रुपैयाँ अन्तर्राष्ट्रिय विकास सहायता प्राप्त गरेको थियो ।

यस्तै, आर्थिक वर्ष २०७७/७८ मा नेपालले एक खर्ब ३० अर्ब ८७ करोड अनुदान र २६ अर्ब ७९ करोड ऋण गरी कुल एक खर्ब ५७ अर्ब ६६ करोड रुपैयाँ अन्तर्राष्ट्रिय विकास सहायता प्राप्त गरेको अर्थको तथ्यांकले देखाउँछ ।

आर्थिक वर्ष २०७८/७९ मा नेपालले एक खर्ब ६० अर्ब नौ करोड रुपैयाँ अन्तर्राष्ट्रिय विकास सहायता प्राप्त गरेको थियो । त्यसमा एक खर्ब ३५ अर्ब ९४ करोड अनुदान र २४ अर्ब १५ करोड रुपैयाँ ऋण थियो ।