काठमाडौं । स्वास्थ्य सेवा विभागको महानिर्देशकको जिम्मेवारी डा. विकास देवकोटालाई दिइएको छ । स्वास्थ्य तथा जनसंख्यामन्त्री प्रदीप पौडेलले आइतबार उनलाई सो जिम्मेवारी दिएका हुन् ।

देवकोटाले आजैदेखि कार्यभार सम्हाल्दैछन् । “पत्र बुझेर आजैदेखि विभागको कार्यभार सम्हाल्ने तयारी गरेको छु,” उनले बाह्रखरीसित भने ।

यसअघि डा. देवकोटा विभागको अतिरिक्त सचिवको जिम्मेवारीमा थिए । विभागमा यसअघि महानिर्देशक रहेकी डा. संगीता कौशल मिश्रालाई भने मन्त्रालयमा नै सरुवा गरिएको छ ।