काठमाडौं । काठमाडौं विश्वविद्यालय (केयू)का सह–प्राध्यापक डा. विराज सिंह थापाले ‘राष्ट्रिय विज्ञान प्रविधि तथा नवप्रवर्तन पुस्कार, २०८१’ प्राप्त गरेका छन् ।

शिक्षा, विज्ञान तथा प्रविधि मन्त्रालयले डा. थापालाई विज्ञान प्रविधि तथा नवप्रवर्तन क्षेत्रमा उल्लेखनीय योगदान गरेकोमा पुरस्कार प्रदान गरेको बताएको छ ।

१२औँ राष्ट्रिय विज्ञान दिवसका अवसरमा डा. थापाले मन्त्रालयमा पुरस्कार प्राप्त गरेका हुन् । शिक्षामन्त्री विद्या भट्टराईले उनलाई पुरस्कार तथा सम्मान प्रदान गरेकी थिइन् ।

डा. थापाको नेतृत्वमा काठमाडौं विश्वविद्यालयअन्तर्गतको ग्रिन हाइड्रोजन ल्याबले हाइड्रोजन उर्जाका क्षेत्रमा काम गरिरहेको छ ।