काठमाडौं । नेपालका लागि चांगान तथा दिपलको आधिकारिक विक्रेता एमएडब्लू वृद्धि अटोकर्पले आगामी ३१ भदौ (सोमबार)देखि असोज ३ गतेसम्म काठमाडौंको गैरीधारास्थित सिल्भरओकमा ‘दिपल एक्सचेन्ज कानिर्भल’ गर्ने भएको छ ।

इभेन्टमा ग्राहकले आफ्नो कुनै पनि ब्रान्डका पुरानो गाडीलाई साटेर नयाँ ‘इन्टेलिजेन्ट, लक्जरियस र फस्ट–टाइम–इन’ नेपाल ‘फिचर–लोडेड’ दिपलका ईभीह खरिद गर्न सक्ने छन् ।

दिपलमा अपग्रेड हुने मौका

दिपल एक्सचेन्ज कार्निभलमा ग्राहकले प्रिबजेट मूल्य ७१ लाख ९९ हजार रुपैयाँमा दिपलको निकै रुचाइएको प्रिमियम ईभी एस०७ खरिद गर्न सक्ने छन् । यसका लागि ग्राहकले नेपालकै टप ६ रिकन्डिसन हाउसबाट आफ्नो पुरानो गाडीको बेस्ट भ्यालुएसन पाउने छन् । साथै, थप एक्सचेन्ज बोनस पाउन सकिने छ ।

यसबाहेक, एक्सचेन्ज कार्निभलमा अनस्पट डेलिभरी, अनस्पट फाइनान्स र फ्री एसेसोरिज पाइने छ । जसमा तीन किलोवाटको ट्राभल चार्जर र सात किलोवाटको होम चार्जर पाइने छ । साथै, ग्राहकले गाडीको भ्यालुएसन र बुकिङमा गिफ्ट पाउन सक्ने छन् ।