काठमाडौं । नेपाल ल्युब आयल लिमिटेडको ३० प्रतिशत लाभांश प्रस्तावसहित साधारणसभाको मिति घोषणा गरिएको छ । कम्पनीको बुधबार सम्पन्न सञ्चालक समितिको बैठकबाट २० प्रतिशत बोनस सेयर र कर प्रयोजनसहित पाँच प्रतिशत नगद लाभांश वितरण गर्ने प्रस्ताव गरिएको हो ।

प्रिमियम मूल्यमा थप सार्वजनिक निष्कासन (एफपीओ) जारी गर्ने प्रस्ताव पनि गरिएको छ । यो प्रस्ताव आउँदो असोज १८ गतेका निम्ति तय साधारणसभाबाट पारित भएपछि लगानीकर्ताले लाभांश प्राप्त गर्नेछन् ।

यस्तै, उक्त साधारणसभाबाट एफपीओ निष्सकासनको प्रस्ताव पारित भएपछि प्रक्रिया अगाडि बढाइनेछ ।

साधारणसभा प्रयोजनका निम्ति कम्पनीले असोज ४ देखि १८ गतेसम्म बुक क्लोज गर्ने जानकारी गराएको छ । असोज ३ गतेसम्म कायम सेयरधनी साधारणसभामा भाग लिन र लाभांश प्राप्त गर्न योग्य हुनेछन् ।